Милиони луѓе низ светот се спремаат за завршната церемонија на Зимските олимписки игри во Пјонгчанг, но Севернокорејците не добија ниту една минута телевизиски пренос од глобалниот светски настап.
Јужнокорејските медиуми посветија големо внимание на присуството на државниот врв на Северна Кореја за време на нивната посета на Пјонгчанг, но од другата страна на границата немаше ист одговор, бидејќи таму и понатаму е забрането телевизиското пренесување на настаните на Зимската олимпијада.
Севернокорејските медиуми од поодамна се познати по тоа што воопшто не обрнуваат внимание на светските настани, па не направија исклучок ниту сега, напоменува американската агенција Associated Press.
Нивната работа е базирана на величење и воспевање на ликот и делото на Ким Јонг Ун, па тие и понатаму останаа доследни со пренесување пораки кои националниот лидер ги праќа.
Единствениот извештај на кој му беше обезбедено телевизиско покривање остана посетата на помладата сестра на Ким и формалниот претседател на Северна Кореја за време на свеченото отворање на Зимските олимписки игри во Пјонгчанг.