Две туристки се степаа во близина на Фонтана ди Треви во Рим бидејќи не можеле да се договорат која прва да се фотографира.
Деветнаесетгодишна девојка од Холандија и 44-годишна жена со италијанско-американско потекло воделе вистинска битка за селфи во Рим. Сакале да се фотографираат на истото место, во истото време но не можејќи да се договорат која да биде прва, се степале. Интервенирала и полицијата, но дотогаш тие меѓусебно си нанеле неколку удари кои резултирале со модринки. Во инцидентот се вклучиле и нивни роднини.
Кога пристигнале полицајците успеале да ги разделат, но караницата наскоро породолжила и затоа двете жени биле приведени со дополнителни екипи на полицајци. За жал, на крајот не успеале да направат селфи пред една од најпознатитие туристички локации во Рим.
