Кети Пери прва „падна“ на троловите на Twitter кога вчера сподели вирален твит со видео од луѓе како излезени на балконите во хор го пеат нејзиниот хит „Roar“ додека се во карантин поради корона вирусот Covid-19.
Пери го ретвитна видеото, без да знае дека станува збор за звучна манипулација – видеото е вистинско, но луѓето не ја пеат нејзината песна. Троловите успеаја во намерата, а твитерџиите веднаш реагираа:
Веднаш по неа, „се лизна“ и Мадона. Истото видео, овојпат со намонтирана нејзина песна. Кралицата на поп-музиката, убедена дека луѓето ја пејат нејзината „I rise“, го ретвитна видеото.
Секако, твитерџиите и нејзе ѝ кажаа дека е „жртва на тролови“.
За крај, и Шерил го комплетираше „хет трикот“ - беше „насанкана“ со оваа невкусна шега во вакви времиња, а твитерџиите беа особено немилосрдни кон неа, со коментари како „не си толку позната за да се пеат твои песни“.