Дали ги менувате четките за шминка кога ќе се извалкаат, па одвреме-навреме трчате до продавница за да набавите нови?
Ќе ви покажеме како да ги исчистите со состојки кои веројатно веќе ги имате дома и ќе бидат како нови.
ПРВ НАЧИН
Потребен ви е детергент за садови и силиконска алатка дизајнирана за оваа намена што има нерамна, испапчена површина. Прво, ја плакнеме четката со вода, а потоа истураме детергент на подлогата. После тоа ја чистиме четката со кружни движења по нерамната површина. На крајот повторно ја плакнеме со вода.
ВТОР НАЧИН
Користиме течен сапун или шампон во комбинација со истата силиконска нерамна површина и ја повторуваме постапката. Оваа алатка ќе помогне за кратко време да се промени бојата на нечистотијата што ќе излезе од вашата четка, па затоа е потребно одвреме-навреме да ја плакнете и да продолжите со процесот.
ТРЕТ НАЧИН
Глицерински сапун. За овој начин на чистење, тоа е сè што ви треба. Затоа ова е веројатно најдобриот и најлесниот начин за чистење. Имено, потребно е четката да се намокри со вода и да се истрие од сапунот и ќе видите како четката сама се чисти и нечистотијата исчезнува.
Конечно, ќе ви откриеме еден таен трик како четките да останат меки и да траат подолго. Откако ќе ги измиете, чистите четки поминете ги со маска за коса, откако ќе стојат околу 15 минути, повторно измијте ги со млаз вода и нежно исушете ги со крпа.
Оставете ги на отворено, легнати на мека крпа за да се исушат целосно. Не користете фен или други извори на топлина за да ги исушите четките.
