Фудбал за жал нема, а токму овој викенд требаше да биде вистинска уживанција за сите фудбалски мераклии.
Во германската Бундеслига ќе се играше големото дерби Борусија против Баерн и тоа на преполниот „Зигнал Идуна Парк“ во Дортмунд. Натпревар што веројатно ќе ја решаваше титулата.
На Иберискиот Полуостров двата гиганта ќе имаа тешки гостувања. Барса ќе патуваше во Андалузија каде на „Рамон Санчес Писхуан“ пред бучните домашни навивачи ќе ѝ се спротивставеше на незгодната Севиља. Реал Мадрид требаше да оди во секогаш тешката за гостување Баскија и тоа во Сан Себастијн на секогаш непријателски расположениот „Аноета“ во Сосиедад.
На „Чизмата“ грогираниот Милан ќе отидеше во Вечниот град во обид среде „Олимпико“ да му направи проблеми на забрефтаниот Лацио.
Додека, пак, на Островот веројатно веќе крунисаниот шампион Ливерпул ќе играше за својата чест во Манчестер на гости кај „Граѓаните“ пред нивните навивачи на „Итихад“, желни да го видат на колена тимот на Јирген Клоп макар и во пирова победа.