Претседателот на САД, Доналд Трамп, изјави дека ситуацијата со корона вирусот во САД е под контрола.
Администрацијата на Трамп од Конгресот побара дополнителни 2,5 милијарди долари за подготовка во случај на епидемија и за помош на другите погодени држави.
„Ние имаме многу малку заразени луѓе со тој корона вирус“, рече претседателот на САД.
Трамп рече дека 14 Американци кои беа позитивни на Covid-19 на крузерот „Diamond Princess“ во Јапонија, се донесени во американските објекти.
Претседателот на САД рече дека тие се ставени во карантин и смета дека за кратко време ќе бидат пуштени.
Трамп изјави дека сака дополнителни 2,5 милијарди долари за да ја зајакне одбраната до случај да се влоши ситуацијата со ширењето на вирусот. Канцеларијата за буџет на Белата куќа соопшти дека овие средства ќе бидат користени за развој на вакцини, лечење и заштитна опрема, но демократите веднаш го одбија ова барање.
