Помина една недела откако Meta ја лансираше својата нова апликација Threads на глобално ниво.
Веќе првиот ден, Threads забележа рекордни 70 милиони регистрации на корисници, додека по пет дена имаше повеќе од 100 милиони. Седум дена по лансирањето, апликацијата има над 109 милиони регистрирани корисници, како што проценува QuiverQuant.
Доколку растот продолжи со ова темпо, бројот на регистрации на корисници би можел да надмине 200 милиони пред крајот на следната недела.
Сепак, во пресрет на овој голем успех, останува нејасно колку корисници на Threads се постојано активни на платформата. Meta не можеше да ја потврди оваа информација.
Ова го наметнува прашањето дали Threads е навистина „убиецот“ на Twitter како што многумина го опишуваат или овој успех е краткотраен.
Забележано е дека некои корисници ја напуштаат платформата и се враќаат на Twitter набргу откако создале сметка на Threads. Ова им создаде проблем - тие не можат да ги затворат своите нови сметки на Threads освен ако не се подготвени да ги жртвуваат своите профили на Instagram во исто време.
Причината е што двете платформи се испреплетени - постоечкиот профил на Instagram се користи за креирање на сметка на Threads, а Meta сè уште нема развиено метод за нивно раздвојување.
Threads е најбрзата апликација која допре до првите 100 милиони корисници. Така, на Twitter му требаа пет години за ова достигнување, на Facebook му беа потребни четири и пол години, а на WhatsApp три години.
Instagram стигна до своите први 100 милиони корисници по две ипол години лансирање, додека ChatGPT успеа да го стори тоа по два месеци.
