Утрово во 4:50 часот на улицата „Магистрален пат“ во Кичево се случила сообраќајна несреќа помеѓу патничко возило Peugeot со кичевски регистарски ознаки, управувано од С.И. (19) од Кичево и патничко возило Volkswagen Golf со кичевски регистарски ознаки, управувано од К.Е. (32) од кичевското село Трапчин Дол.
Од здобиените повреди на местото на несреќата починале возачот К.Е. и неговиот сопатник А.С. (20) од село Трапчин Дол, додека возачот С.И. им подлегнал на повредите на пат кон Комплекот клиники „Мајка Тереза“ во Скопје, велат од СВР Охрид.
Со тешки телесни повреди, констатирани во болницата „Св. Еразмо“ во Охрид и во Комплекс клиники „Мајка Тереза“, се здобиле 19-годишната Т.С. од Кичево, В.П. (21) од селото Подвис, Кичевско, П.К. (21) од Кичево и еден малолетник од Кичево, сите сопатници во возилото Peugeot.
На местото на несреќата увид извршиле јавен обвинител и полициски екипи. По наредба на јавен обвинител, телата на починатите се дадени на обдукција.