За две лица ќе биде отворена кривична истрага за изборен поткуп, а за други тројца, вработени во Министерството за внатрешни работи Секторот за внатрешна контрола и професионални стандарди ќе отвори постапка, но за нив се очекува и суспензија од работните места сé до завршување на постапката.
Поведувањето на кривична истрага доаѓа по аудио снимката којашто пред неколку дена ја објави поратолот „Публикум.мк.“, а од која може да се слушне како наводен активист на владејачката ВМРО-ДПМНЕ се обидуваат да поткупат жителка на Прилеп, притоа ветувајќи и 60 евра за глас.
Од досегашниот тек на истрагата се дознава дека осомничената е член на владејачката партија од Општинскиот комитет во Прилеп, а била вработена во државна институција, како и второосомничениот кој ја придружувал во обидот за поткуп.
Улогата на тројцата униформирани припадници на МВР се уште се проверува, но како што се дознава тие ги придружувале осомничените кои нуделе поткуп за глас на парламентартите избори.
