Стресот стана најголемата болест во 21. век затоа што предизвикува сериозни проблеми на менталното здравје.
Но, стресот може да има и неколку придобвки за вашето здравје.
Психолозите сакаат да ни укажат на тоа дека некој вид на стрес може да биде добар, здрав и продуктивен.
Овој вид е познат како eustress и без него, нашиот живот може да биде здодевен и бесмислен.
„Постои перцепција дека стресот секогаш е лош за здравјето на мозокот, но тоа не е точно. Вашиот стрес е клучен за вашиот опстанок: го подобрува начинот на кој работите, важен е за иднината и ве подготвува да се прилагодите за предизвиците кои се пред вас, вели невропсихологот од Универзитетот во Калифорнија“, Даниела Кауфер.
„Стресот на некој начин е адреналин кој ги мотивира луѓето“, наведува таа.
Кауфер пронашла физиолошки докази за моќта на позитивниот стрес.
Во експериментот кој го спровела таа, невроните се активираат селективно и помагаат во подготовката за следната стресна ситуација. Значи, во тој момент сте подобро подготвени доколку некогаш повторно ќе се најдете во стресна ситуација.
Стресот е врзан за индивидуалноста
Доколку личноста процени дека финансиската криза е добра можност за нов почеток или нов бизнис, тогаш ваквиот стрес може да биде позитивен. Позитивниот стрес ќе ве мотивира да работите под притисок и да успеете во намерата.
Искуството е важно
Луѓето коишто претрпуваат позитивен стрес во текот на нивниот живот развиваат внатрешни одбранбени механизми, способност и начин да се ослободат од стресот. Кога ќе се најдат во стресна ситуација, ги активираат тие механизми и благодарение на поранешното искуство имаат доверба во себе дека ќе се справат со ситуацијата во којашто се нашле.