Современите автомобили се поранливи во поглед на безбедност поради модерните технологии како keyless опцијата, односно влегување во возилото без употреба на клуч.
Истражувањата покажаа дека брендовите со најнапредни системи за заштита се Audi, BMW и Volkswagen.
Овие германски гиганти користат системи што ги „успиваат“ сите контролни единици кога се во мирување одреден временски период.
Тоа значи дека не реагираат на обидот за стартување од одредена оддалеченост, туку само кога сопственикот го активира клучот на возилото.
Крадците многу лесно може да го отклучат и стартуваат возилото со keyless систем користејќи ја токму современата технологија.
Има уреди што на оддалеченост од само неколку метри може да го „снимат“ сигналот со кој „комуницираат“ клучот и автомобилот и да го искористат за придвижување на возилото.
Целата постапка може да биде завршена за само десет секунди.
На последните тестови за безбедност експертите утврдија дека моделите Audi A6 Allroad, BMW Serije 1, BMW Serije 8, BMW X6, Ford Puma и Volkswagen Passat имаат високо ниво на вкупна заштита.