Наместо на 5 јуни, фестивалот „Skopje Calling“ ќе се одржи на почетокот од септември, потврди Авалон.
„Со голема надеж и оптимизам дека планетата Земја наскоро сепак ќе се врати во и со нормално темпо на живеење, сакаме да ве информираме дека поради актуелната состојба со коронавирусот, одлучивме да не ризикуваме и да не чекаме развој на состојбата, туку да го презакажеме фестивалот „Skopje Calling“ за 12 септември (наместо на 5 јуни) на истата локација, стадионот на АРМ“, стои во известувањето на Авалон продукција.
Популарниот фестивал нема да претрпи измени во поглед на настапувачите бидејќи, како што потврдуваат од продукциската куќа, сите го потврдиле својот настап и на новиот датум.
Тоа значи дека Vini Vici, Mahmut Orhan, Kiril Djajkovski и Cyrillic ќе ги видиме и на 12 септември во Скопје.
Што се однесува до оние љубители на музиката кои веќе имаат набавено карти, истите ќе важат и за новиот датум и не е потребна никаква промена или замена на веќе набавените карти.