Германски Bild ексклузивно објави информација, заедно со фотографии, дека на тренинг на Баерн дошло до тепачка меѓу двајца играчи.
Џером Боатенг наводно влегол во расправија со Леон Горецка, што ескалирала со шамар за поранешниот играч на Шалке.
До инцидентот дошло откако на тренингот имало провокации и остри прекршоци меѓу двајцата играчи, а кулминацијата се случила по вербалниот конфликт.
Откако Боатенг му удрил шамар на Горецка, прв интервенирал Роберт Левандовски, а потоа и тренерот на германскиот клуб, Ханс Флик.
Изминативе месеци често се шпекулира дека Боатенг сака да замине од Баерн. Покрај лошата форма во моментов, Боатенг го следи и лоша репутација откако беше објавена информација дека двапати ја претепал сопругата.
Во времето кога Пеп Гвардиола беше тренер на Баерн, Боатенг имаше судир и со Роберт Левандовски, но клубот му го прости ваквото однесување.
Во 2016 Боатенг беше прогласен за играч на годината во Баерн.
