Живот

Симптоми кај децата кои никогаш не треба да ги игнорирате

17. јануари 2020 - 11:27 | М.С.

Правилното дешифрирање на симптомите кај децата е важен дел од родителството и може да ве спаси од непотребна паника, но и да биде сигнал дека треба да го посетите педијатарот.

Вие најдобро го познавате вашето дете. Доколку забележите нешто чудно во неговото однесување, тогаш не плашете се да побарате објаснување од лекарот или да побарате второ мислење доколку не сте добиле јасен одговор.

Важно е да знаете што значат некои симптоми кај децата.

Отсутност на реакција

Откако ќе се наспие, детето треба да биде активно. Доколку забележите дека вашето дете се буди потешко, невообичаено е тивко, не е заинтересирано за неговата омилена играчка и е неактивно, заминете на лекар.

Промени во дишењето

Доколку детето се заморува брзо, има краток здив или слушате некој чуден звук додека дише, заминете на лекар. Кашлицата може да биде предизвикана од астма или некоја друга болест.

Исто така, доколку забележите дека има чудна боја на кожата околу устата и ноктите, реагирајте веднаш.

Дехидрација

Нашиот организам мора да има доволно вода за да работи правилно. Дехидрацијата е недостаток на вода и тоа може да доведе до посериозни проблеми, но водата не се губи кога детето ќе се испоти, туку кога е болно, повраќа или има дијареа.

Поради недостаток на вода во организмот детето нема енергија или често се лути, има главоболка или не може да изврши мала нужда. Доколку не сака да пие вода, најдете некој интересен начин преку игра за да го прави тоа.

Покачена температура

Грозницата може да биде застрашувачка, но тоа е нормален дел од процесот на одбрана на организмот од болести. Меѓутоа, некогаш е потребно да заминете на лекар. Доколку детето има температура, но се однесува нормално и е активно, не грижете се. Кашлицата и другите симптоми бараат поинаков третман.

Заминете на лекар доколку:

1. Новороденчето и бебето до 3 месеци има температура 38 степени

2. 3-6 месеци – 39 степени

3. 6-24 месеци – 39 степени во траење од 24 часа

4. Деца – 39 степени во траење од 72 часа

5. Тинејџери – 39,5 степени и температурата трае 3 или повеќе денови

Непрекинато плачење

Доколку вашето дете плаче неутешно подолго време, заминете на лекар. Можеби има алергиска реакција или внатрешна температура.

Често мокрење проследено со губење на телесната тежина, жед и летаргичност

Посветете внимание на тоа колку често детето оди во тоалет. Исто така, дали многу често пие вода и нема енергија. Ова можат да бидат знаци за дијабетес тип 1. Доколку забележите некој од овие симптоми, консултирајте се со лекар.