Тенис

Шарапова: Нема да се вратам, ветувам

1. март 2020 - 16:48 | МИА

Њујорк, 1 март 2020 (МИА) – Поранешната број 1 во светот Марија Шарапова, која го најави крајот на својата спортска кариера пред неколку дена, е воодушевена што нејзината професионална тениска кариера е конечно завршена. Обновувањето на кариерите на водечките тенисери не е невообичаена појава, но 32-годишниот Русин ја исклучува можноста некогаш да се врати на турнејата ВТА.

„Не, нема да се вратам. Им ветувам на сите“, изјави Шарапова за „New York Times“, затворајќи ја вратата за можно враќање по одредено време. „Тешко е да се прават споредби. Мислам дека секој поминува низ различни нешта во  животот. А, кога станува збор за жените, секогаш има момент за разговар за семејство. Нешто што игра голема улога во враќањето на Серена, откако веќе некое време отсуствуваше од турнејата. Но, мислам дека ако некој е способен да собори рекорди, тоа е таа, јас не се сомневам дека може да го стори тоа“, рече Шарапова, осврнувајќи се на нејзината голема ривалка во текот на годините, Серена Вилијамс.

Американката роди девојче и се врати на теренот, продолжувајќи да го брка рекордот на Маргарет Корт од 24 Гренд слем титули во сингл. Серена го држи рекордот во Отворената ера со 23.

Самата Шарапова признава во едно интервју дека би сакала еден ден да има деца, но не може истовремено да се грижи за дете и да биде професионална тенисерка.

Русинката зборува и за казната поради допинг. Откако истече казната од 15 месеци, таа се врати во 2017 година, но никогаш не се доближи до нејзините најдобри денови.

Шарапова својата кариера ја заврши со 5 Гренд слем титули, освојувајќи го секој од четирите најпрестижни тениски турнири.