Претседателот на Украина, Петро Порошенко, изјави дека патот на Северна Македонија кон НАТО бил многу тежок, но дека земјата покажала единство.
Според украинската новинска агенција Унијан, Порошенко изјави дека „Русија се обидела да го спречи влезот на Северна Македонија во НАТО“.
Агенцијата наведува дека украинскиот претседател го изјавил ова на заседание пред гласањето за законот за измени и дополнувања на Уставот на Украина во врска со начинот на стекнување полноправно членство на земјата во ЕУ и НАТО.
Во објавата се додава дека на 6 февруари во Брисел бил потпишан протокол за пристапување на Северна Македонија во НАТО и дека „оваа балканска држава наскоро ќе стане 30-тата членка на Алијансата“.
„Патот на Северна Македонија беше многу тежок, но земјата покажа единство и ги упропасти плановите на Русија која се обиде да го спречи овој исклучително важен чекор во правец на јакнење на сигурноста во Европа. Вратата на НАТО сега е отворена за 30-тата земја“, рекол Порошенко.
