Подгответе брза, вкусна и едноставна салата Галија.
Состојки:
350 грама компири
250 грама моркови
120 грама кисели краставички
150 грама туна од конзерва
200 грама мајонез
100 грама кисела павлака
Свеж магдонос, неколку маслинки и шери домати, сол и црн пипер
Подготовка:
Компирите и морковите исчистете ги и сварете ги во солена вода. Сварениот зеленчук исцедете го и заедно со киселите краставички изрендајте ги на крупната страна од рендето. Додадете ситно сечкан магдонос и туната, зачинете и посолете, па се добро измешајте.
На крајот додадете кисела павлака и мајонез и се добро измешајте. Готовата салата префлете ја во чинија за салати, добро измазнете и декорирајте со маслинки, свежи краставички и шери домати.
