Американската компанија Abbott Laboratories направи тест со чија помош за пет минути може да се одреди дали некој е заразен со коронавирусот.
Компанијата од Чикаго претстави тест наречен ID NOW, кој во рок од пет минути може да утврди дали личноста е заразена со коронавирус, а за 13 минути е можно дефинитивно да се утврди дали е негативна на вирусот.
Управата за храна и лекови на САД (ФДА) одобри употреба на уредот кој веќе почна со производство, а во продажба ќе биде пуштен од понеделник. Месечно ќе бидат произведени 5 милиони тестови.
Како што наведуваат од Abbott laboratories, уредот кој на молекуларно ниво одредува присуство на коронавирус е мал и пренослив и ќе може да се користи надвор од здравствените установи.
САД со повеќе од 105.019 заболени е на првото место по број на заразени во светот.
Од коронавирусот заболеа 620.938 луѓе во светот, 28.653 се починати, додека 137.363 се оздравени.
