ДОПИНГ АФЕРА

Русија условена за Светско 2022, Путин се сомнева во политички сплетки

Извршниот комитет на Светската антидопинг агенција (ВАДА) ги прифати препораките на комитетот за усогласеност и ја отстрани Русија четири години од сите поголеми натпреварувања, вклучително и Олимписките игри и Светските првенства.

Вчера во Лозана се одржа состанок на Извршниот комитет на ВАДА за статусот на РУСАДА. Се известува дека одлуката е донесена едногласно.

Претходно, комитетот за усогласеност препорача да се отстрани Русија од меѓународните натпревари четири години и да се лиши земјата од правото да биде домаќин на големи спортски турнири.

Руските власти нема да можат да присуствуваат на Олимпијадата и на другите големи турнири. Исто така, Русија ќе треба да плати казна.

Чистите руски спортисти ќе бидат примени на Игрите и Светските првенства, но само во неутрален статус – без знаме и химна.

Ова важи и за руската фудбалска репрезентација – Русите на Мундијалот би играле без нивното знаме, химната и во неутрални дресови, но сепак останува неизвесно дали ќе бидат подготвени на тоа ако се изборат за пласман во Катар 2022.

Од ФИФА велат дека го добиле известувањето од ВАДА.

„ФИФА го доби дописот за одлуката на Извршниот комитет на Светската антидопинг агенција (ВАДА) и во контакт се за да се разјасни како оваа одлука ќе влијае на фудбалот“, фелат оттаму.

„Аферата допинг“ е резултат на истрага базирана на податоците од базата на московската антидопинг лабораторија, која ги содржи резултатите од студиите за 2012-2015 година. Независни експерти откриле дека базата на податоци е изменета со цел да се сокријат позитивните допинг-тестови на руските спортисти.

Руската страна има рок од 21 ден да поднесе жалба за одлуката на ВАДА.

Рускиот претседател Владимир Путин ја коментираше одлуката на Светската антидопинг агенција (ВАДА) во врска со четиригодишната суспензија на спортистите од оваа земја. Тој побара руските спортисти да настапуваат под државното знаме.

„Треба да ја анализираме оваа одлука на ВАДА за руските спортисти. Најважно, според мое мислење, а мислам и дека сите се согласуваат со ова, е дека секоја казна, како што беше од времето на римското право, треба да биде индивидуална и да тргне од она што го сторило едно или друго лице. Казните не можат да бидат од колективна природа и да важат за луѓе кои немаат никаква врска со одредени прекршувања. Мислам дека стручњаците од ВАДА го разбираат и ова, но ако некој од нив донесе вакви одлуки за колективни казни, тогаш ми се чини дека има причини да верувам дека ваквите одлуки не се засноваат на чистотата на светските спортови, туку имаат политичка заднина. Ова нема никаква врска со интересите на спортот и олимпиското движење“, изјави Путин.

реклама

Зошто треба да ставите алуминиумска фолија зад рутерот?

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Фудбал

Тонали е вистински зависник: Се обложувал и во Англија, намерно добил жолт картон

Read more

Ливерпул се откажа од Алонсо, Клоп ќе го наследи Рубен Аморим

Read more

Милан сака да се засили со братот на Турам

Read more

Се побуни и Николов: Разочаран сум поради односот на селекторот Милевски

Read more
 

Спорт

Герасимовски: Конечно, Работнички се враќа на шампионските патеки

Читај повеќе
  • play_arrow

Тонали е вистински зависник: Се обложувал и во Англија, намерно добил жолт картон

Читај повеќе
  • play_arrow

Лидерот Бостон падна во Атланта, го средија Мареј и Богдановиќ

Читај повеќе
  • play_arrow

Димитров го растури Алкарас во Мајами

Читај повеќе

Ливерпул се откажа од Алонсо, Клоп ќе го наследи Рубен Аморим

Читај повеќе

Милан сака да се засили со братот на Турам

Читај повеќе

Се побуни и Николов: Разочаран сум поради односот на селекторот Милевски

Читај повеќе

Канаваро: Наполи би го водел бесплатно, ама Де Лаурентис не ме бара

Читај повеќе

Дани Алвес откако излезе од затвор веднаш направи забавa славејќи до изгрејсонце

Читај повеќе