Кристијано Роналдо, кој важи за еден од најдобрите фудбалери во светот, подготви нов предизвик за своите обожаватели додека е во карантин поради пандемијата со COVID-19.
Асот на Јувентус кој е во изолација во Португалија со своето семејство, на Instagram објави видео на кое прави вежби за стомачни мускули.
Во соработка со Nike, Роналдо ја почна кампањата The Living Room Cup (Куп во дневната соба), а целта е за 45 секунди да се направат што е можно повеќе стомачни вежби.
Роналдо за 45 секунди направи 142 стомачни, рекорд кој ќе биде многу тешко да се надмине.
Сепак, целта е да се поттикнат луѓето на физичка активност во нивните домови во време кога во многу земји има различни форми на ограничување на движењето на граѓаните.