Во болница во италијанскиот град Варезе роботи неуморно работат и ги лекуваат пациентите заболени од вирусот, а докторите и медицинските лица во болницата велат дека на тој начин го чуваат здравјето и спасуваат животи.
Болницата во Варезе доби 6 роботи опремени со монитори и сензори, а нивната појава предизвикува насмевки на лицата на помладите пациенти. Сепак, нивната вистинска намена е да ги спасат сестрите и докторите од зараза и ширење на вирусот.
Роботите се неуморни помошници и не можат да се разболат од смртоносниот вирус. Функционираат така што им испраќаат податоци на докторите со кои се следат виталните знаци на пациентите. Многу доктори и медицински лица се заразени со вирусот во Италија, па роботите се одлично освежување, бидејќи можат да спасат многу животи.
Во Италија досега починаа 17.127 луѓе, а меѓу нив има над 80 здравствени работници.