Среќните родители ја соопштија веста со споделување фотографија со бебето на социјалните мрежи.
Рики Мартин (47) вчера соопшти дека тој и неговиот сопруг, уметникот Џуан Јосеф (35) го добиле четвртото дете, синот Рен.
„Се роди нашиот син Рен Мартин-Јосеф“, напиша пејачот и активист под фотографијата на која двајцата позираат со синот.
Рен е најновиот член на семејството Матин-Јосеф: Рики и Џуан веќе ги имаат близнаците Матео и Валентино (11) и десетмесечната Лусија.
Минатиот месец Мартин присуствуваше на Свечената вечера за човекови права во Вашингтон со неговото семејство и соопшти дека со Јосеф очекуваат принова.
„Семејството ми е тука“, рече Мартин кога ја прими наградата за неговите придонеси за ЛГБТК заедницата и неговите филантропски залагања.
„Мојот сопруг Џуан, те сакам, моите прекрасни близнаци Валентино и Матео, и тие се тука, ве сакам со целото срце, вие сте мојата сила, ме инспирирате секој ден, ме мотивирате да продолжам да го правам ова што го правам, вие сте прекрасни деца, ве сакам“, рече Мартин.
Тој потоа ја спомна и ќерката Лусија која не беше присутна и за која рече дека е „светлината на неговиот живот“.
„И да додадам дека чекаме четврто дете. Обожавам големи семејства“, низ смеа рече Мартин, а присутните го поздравија со весели извици и аплауз.
Мартин и Рен почнаа да се забавуваат во 2016 година, а неодамна официјално стапија во брак.