Откако помина 14-дневниот период за кој првично беше најавен прекин на сите натпревари, Ракометната федерација на Македонија денеска соопшти дека сите натпреварувања ќе мируваат на неодредено време.
„Раководството на Ракометната федерација на Македонија донесе одлука за прекин на неодредено време на националното ракометно првенство во Супер и Прва машка ракометна лига, натпреварите од Женската ракометна лига, како и сите натпревари во младинските категории“.
„Одлуката е донесена согласно препораките од страна на Министерството за здравство за превенција од вирусот COVID-19 и согласно уредбите од Владата на Република Северна Македонија за превенција од вирусот COVID-19.
Тоа значи дека, како што и се очекуваше, моментално нема услови за продолжување на ракометната сезона. Кога и дали ќе продолжи сезоната, РФМ дополнително ќе извести.
„Ракометната федерација на Македонија ќе ја следи состојбата и навремено ќе ги извести сите засегнати доколку се создадат услови за продолжување на активностите во рамките на РФМ“.