Кошарка
НБА 2019/20

Репторс забележаа највисока победа во историјата од 46 разлика

24. февруари 2020 - 8:57 | Ф.З.

Актуелниот шампион Торонто запиша највисока победа во историјата откако со 46 поени разлика славеше над Индијана.

Канаѓаните немаа милост кон гостите од Индијанаполис и во „Скошабенк“ арената го полнеа гостинскиот кош. И покрај многуте поени, најефикасниот кошаркар имаше само 21 поен, а тоа беше Камерунецот Паскал Сјакам. Затоа, пак, уште 11 негови соиграчи се запишаа во листата на стрелци. Мет Томас постигна 17, Кајл Лаури забележа 6 поени и 11 асистенции, а натурализираниот Шпанец Серж Ибака на петнаесетте поени додаде и 15 скокови. Кај гостите најефикасни со по 14 поени беа Арон Холидеј и Литванецот Домантас Сабонис.

Со разликата од 46 поени Торонто запиша нов рекорд рушејќи го оној од сезоната 2016/17 кога со 44 разлика ја декласираа Атланта Хокс.

Со скор од 42-15 Репторс моментално се втори на Истокот каде Пејсерс се шести со 33-24.

Резултати:
Денвер Нагетс - Минесота Тимбервулс 128:116
Торонто Репторс - Индијана Пејсерс 127:81
Чикаго Булс - Вашингтон Визардс 126:117
Оклахома Сити Тандер - Сан Антонио Спарс 131:103
Голден Стејт Вориорс - Њу Орлеанс Пеликанс 101:115
Портланд Треил Блејзерс - Детроит Пистонс 107:104