Компанијата Renault официјално го потврди пристигнувањето на електричниот модел со логото на Dacia.
Се работи за моделот кој ќе се појави на европскиот пазар во наредните две години, а кој ќе биде базиран на моделот City K-ZE на Renault кој е наменет за кинескиот пазар.
Електричниот модел на Dacia пристигнува по Twingo ZE.
Autocar минатата година објави дека евтиниот City K-ZE ќе биде унапреден за европскиот пазар.
K-ZE е мал модел во стил на кросовер кој припаѓа на A сегментот, а во Кина нивната целна група се помладите купувачи. Европската верзија најверојатно ќе има поунапредени безбедносни системи.
Кинескиот K-ZE го придвижува електричниот мотор кој испорачува 44 коњски сили, а максималната брзина изнесува 105 км/ч.
За да се намалат трошоците, новиот модел ќе се произведува во Кина.
Потпретседателот на Renault, Оливер Мургет смета дека K-ZE ќе биде идеален за сервис изнајмување односно за делење на автомобилот.