Неговата посебност не е само во бојата што не е типична за овие автомобили.
Ferrari Monza SP2 е еден од најубавите автомобили произведени во последно време. Иако се познати многу малку детали за овој модел, за љубителите на автомобили доволен е само еден поглед за да бидат одушевени и да посакаат да направат „еден круг“ со него.
Ова темноцрвено Ferrari Monza SP2 се издвојува од другите по темноцрвената боја која е специјално заштитена, открива Carscoops.
Гордон Ремзи има црно Monza SP1 со црвени детали, но оваа темноцрвена верзија сепак се издвојува бидејќи многу ретко може да се види Ferrari во оваа боја.
Сивите елементи му даваат уште една посебност на возилото чија боја има дополнителна заштита од слој карбонски влакна.
На снимката објавена на YouTube каналот Topaz Detailing е прикажан процесот на заштита на бојата на овој редок убавец.
Исто како и Monza SP1, и SP2 има V12 мотор со капацитет од 6,5 литри и моќност од 799 коњски сили. Од 0 до 100 км/ч забрзува за 2,9 секунди, а максималната брзина надминува 300 км/ч.
