Рускиот претседател Владимир Путин ги повика Русите да покажат дисциплина и одговорност, да останат дома за да се изборат против ширењето на коронавирусот.
„Сите препораки мора да се почитуваат. Мораме да се заштитиме себе и луѓето кои ни се блиски“, изјави Путин во обраќањето на нацијата, пренесе TASS.
„Верувајте ми, најбезбедната работа што треба да ја направите е да останете дома“, истакна тој.
Путин следната седмица ја прогласи за неработна поради коронавирусот.
„Сега е исклучително важно да се спречи заканата од брзото ширење на болеста, според тоа ја прогласувам следната седмица за неработна со платени денови, односно слободните денови ќе траат од сабота, 28 март до недела, 5 април“, рече претседателот.
Тој истакна дека се откажува референдумот за уставни промени планиран за 22 април, пренесе Reuters.
Според последните податоци, во Русија бројот на инфицирани луѓе е 658 лица, само во последните 24 часа се регистрирани 163 позитивни на коронавирусот.
