Пред зградата на Јавното обвинителство вечерва во 18:15 часот почна протест организиран од ВМРО-ДПМНЕ. Поддржувачите на оваа партија и присутните граѓани се движеа по кејот на Вардар до Врховниот суд.
Пред зградата на ЈО вечерва во 18:15 почна протестот на ВМРО-ДПМНЕ. Протестот, според организаторот, има за цел да покаже дека одговорност мора да има и оти за неправдите е виновен поранешниот премиер и претседател на СДСМ, Зоран Заев.
Пред присутните се обрати претседателот на ВМРО-ДПМНЕ, Христијан Мицкоски кој истакна дека судската и обвинителската власт, како што рече, се брутално згазени.
„Зоран Заев е виновен затоа што во исто време е премиер, обвинител и судија, обвини Мицкоски. Заев, како што рече, е и трговец со виталните органи на нашата Македонија и правдоубиец.
Според него, главни советници и верни заштитници на криминалот на Заев се Вилма Русковска и Љубомир Јовески, уште неколку врховни судии и како што рече, неколку медиумски слуги кои не се новинари, а така се претставуваат.
На протестот, кој беше масовен, присутните граѓани извикуваа „Сакаме правда“, „Македонија“, пееја патриотски песни, вееја македонски знамиња, а главниот транспарент беше „Заев е виновен“.