Ракомет

Пролет се засили со грчки репрезентативец

21. февруари 2020 - 18:34 | Ф.З.

Во тимот од истоимената скопска населба пристигна засилување од Грција од актуелниот шампион Олимпијакос.

Се работи за 27-годишниот Џуро Мујиќ, родум од Нови Сад кој уште како дете со родителите се преселил во Грција. Ракометната кариера јас почнал кај нашиот јужен сосед во тимот на Диомидис од Аргус, а потоа играл за германски Аурих и италијански Гаети пред да се врати во Грција за да игра за Олимпијакос од Пиреја.

Со Диомидис станал шампион на Грција во сезоните 2011/12 и 2013/14, а во првата сезона се закитил и со Челинџ купот на ЕХФ. Откако доаѓа во Олимпијакос освојува уште една титула во домашната лига како и една во домашниот куп.

Мујиќ е новопечен резпрезентативец откако за Грција дебитираше на јануарските квалификациски натпревари против Кипар и Израел.

Пролет втората полусезона ја почнува наредниот викенд кога гостува во Радовиш. Моментално тимот е на 4. место и се бори да остане во првите четири за да разигрува во групата за шампион.