Цената на фјучерсите на суровата нафта „брент“ за јунската испорака скокна за 1,0 отсто на 74,23 долари за барел во тргувањето на лондонската берза ICE Futures Europe.
Последен пат кога нафтата „брент“ достигна ниво од 74 долари за барел беше на 27 ноември, 2014 година, објави руската новинска агенција ТАСС.
Покрај растот на цената на нафтата, курсот на рубљата останува низок во однос на глобалните валути – утрово во 11 часот по локално московско време курсот на рубљата на Московската берза изнесуваше 60,99 рубљи за 1 долар, што е за 0,23% повеќе во споредба со курсот на затворање вчера.
Курсот на рубљата во однос на еврото изнесуваше 75,52 рубљи за 1 евро, што е за 0,32% повеќе во споредба со претходниот ден.
Во исто време, цената на американската „лесна“ нафта WTI за мајската испорака денеска порасна за дури 80 центи на 69,27 долари за барел на Њујоршката берза, а во Лондон се тргуваше по цена од 68,81 долари, според „Блумберг“.
Причината за скокот на цените е изненадувачкиот пад на залихите во САД, а трговците со нафта сега ќе го насочат вниманието на утрешниот состанок на членките и нечленките на ОПЕК и Саудиска Арабија.
