Изолацијата која мора да ја почитуваме овие денови, може да ни донесе и многу позитивни работи доколку ги согледаме работите од друга страна.
Вистина е дека луѓето имаат вроден нагон за интеракција, пријателство и чувство за припадност. Подолг период без социјален контакт со саканите луѓе обично е поврзан со штетни ефекти врз менталното и физичкото здравје. Но, доколку на некој период се оддалечите од сите – може да го согледате животот од друга перспектива.
Сфатете го овој период на изолација како единствена шанса да застанете малку и да сфатите на кој пат чекорите и што треба да промените. Доколку го перципирате овој период како пауза која е подготвува за некои подобри промени во животот – на добар пат сте.
Може да извлечете многу добри заклучоци, а тоа го покажаа неколкумина луѓе кои во изминатите години вршеа експерименти на оваа тема и заминуваа во потполна изолација за да ги согледаат сите аспекти на нивниот живот.
Францускиот филозоф, Мишел де Монтањ одлучил да помине неколку години од неговиот живот заклучен во библиотека.
На овој свет доаѓаме сами, самите сме доволни на себеси и за сè што ни претстои во животот. Кој не е добар за самиот себе, не е добар ниту за другите луѓе, рече тој.
Незадоволен од случувањата во неговиот живот, Хенри Дејвид од Англија поминал неколку години на пуст остров и тој вели:
„Откако ќе ги изгубиме другите, се пронаоѓаме себеси. Самотијата ни дава можност да се откриеме самите себеси. Кога ги нема другите луѓе кои постојано ве критикуваат и ви наоѓаат маани, ќе се научите да го слушате сопственото Јас“.
Заклучокот е дека во овој период може да размислите за тоа до каде стигнавте во животот, колку планови остваривте, со какви луѓе се дружите. Размислете по кој пат планирате да продолжите во вашиот живот и кои планови ќе реализирате во иднина.