Подгответе вкусна посна салата од компири, моркови и кисели краставички.
Состојки:
1 килограм компири
150 грама целер
1 главица кромид
500 грама моркови
250 грама посен мајонез
200 грама кисели краставички
1 лажица сенф
Сол и црн пипер
Подготовка:
Зеленчукот сварете го, но внимавајте да не омекне премногу, излупете и ставете да се излади. Ситно изрендајте ги киселите краставички, измешајте со мајонезот, сенфот, потоа посолете и додадете црн пипер.
Компирите исецкајте ги на тенки ленти. Во чинија ставете некој калап и ставете ред компири, па ставете и од мешавината со мајонез, потоа додадете рендан морков и целер, уште еден ред компири и така до крај, се додека не ја потрошите целата смеса.
Оставете ја салатата во ладилник да се стегне за да се спојат вкусовите.
Тргнете го калапот и декорирајте со рендан морков.
