Ферари изрази подготвеност за продолжување на договорот со Себастијан Фетел за уште една година, меѓутоа за драстично помала плата.
Според италијанскиот Sky Sport, по одложување на трката за ГН на Австралија, тимот од Маринело му предложил нов договор на четирикратниот светски шампион на уште една година, со послаби финансиски услови од оние при актуелната соработка.
На четирикратниот светски шампион на крајот на сезоната му истекува тригодишниот договор што го потпиша во 2017 година вреден 100 милиони евра. Сега наводно платата ќе му биде помала за 40 милиони евра.
Според PlanetF1, Германецот размислува да се пензионира од Формула 1 и да се врати на неговата прва љубов – механички инженеринг.
„Пред да почнам да возам професионално и пред да ја почнам кариерата, откако завршив срдно училиште, планирав да се запишам на факултет и да студирам механички инженеринг“, изјави Фетел за PlanetF1.
Ферари, пак, потпиша нов договор со Шарл Леклер со 2024 година, откако пилотот од Монако возеше неспоредливо подобро од германскиот колега во минатата сезона.
Доколку 32-годишниот Фетел го одбие понуденото, тогаш Ферари ќе се обиде да го ангажира Даниел Рикардо од екипата на Рено, а како резервни опции се споменуваат Карлос Сајнц од Мекларен и Антонио Џовинаци од Алфа Ромео.