Во шпанскиот град Понтеведра луѓето живеат во мир и тишина. Сообраќајот во него е забранет, а доколку сакате да го разгледате тивкиот град тоа мора да го направите пешки, пишува Guardian.
И додека одите по улица ги слушате песните на птиците, лесното мешање на чај или шолја кафе во кафулињата покрај улиците каде се движат туристи.
За овој мир и тишина е заслужен градоначалникот Мигел Анчо Фернандез Лорез, кој должноста ја објавува од 1999 година. Неговата филозофија е едноставна: фактот дека поседувате автомобил не ви дава за право да заземате јавен простор. Пред да стане татко на градот, секојдневно низ малото градче минувале 14.000 автомобили. Имало повеќе автомобили отколку луѓе.
Но, не станува збор само за тишината. Позитивните последици се многубројни. На улиците од 1996 година до 2006 година починале 30 луѓе, а никој не починал од 2009 година. Нивото на јаглерод диоксид е паднато за 70 проценти, автомобилите се заменети со велосипеди. И додека другите градови полека пропаѓаат, во Понтеведра се доселени нови 12.000 жители.
Пред необичната одлука на градоначалникот луѓето масовно се иселувале. Центарот на градот бил преплавен со ѓубре, често се случувале сообраќајки. Откако е ставена забраната градот се преродил.
Тој е совршен за пешачење, може да го минете цел за 25 минути.