Поразите од 0:7 и 0:4 од Аталанта и Лече му пресудија на Валтер Маѕари кој сам се согласи да си замине.
Падот на Торино почна со поразот од 2:1 на гостувањето кај Сасуоло, но она што потоа следуваше беше ноќна мора за сите навивачи на популарните „Граната“.
Предминатата сабота во Торино гостуваше Аталанта која му го нанесе најтешкиот пораз на клубот во историјата пред сопствените навивачи. „Деа“ беше немилосрдна победувајќи со 7:0. А, пак, минатиов викенд, следуваше нова бламажа, овој пат на гости кај Лече кој со 4:0 ја прослави првата домашна победа сезонава.
Трите пораза во серија го запалија црвениот алмар кај претседателот Урбано Каиро кој утринава одржал состанок со Маѕари. Се договориле да го раскинат договорот и тоа, како што се согласил самиот Маѕари, без да му бидат исплатени преостанатите плати.
„Фудбалскиот клуб Торино соопштува дека со заемна согласност е раскинат договорот со Валтер Маѕари. Управата му се заблагодарува нему и на неговиот стручен штаб за посветеноста, коректноста и профионалноста која ја покажаа во изминативе две години“, се вели во официјалното соопштените на клупската веб-страница.
Наследник на Маѕари во Торино ќе биде Морено Лонго кој до 2016 го водеше младинскиот тим на Торино и кој последно во водеше второлигашот Фрозиноне. Лонго е и поранешен фудбалер на „Граната“ кој кариерата ја почна токму во младинската школа на својот омилен тим.
Маѕари беше во Торино од 2018 каде дојде од Ватфорд. Претходно ги водеше Интер, Наполи, Сампдорија, Реџина, Ливорно, Пистојезе и Ачиреале.
