Шпанскиот тенисер Рафаел Надал го освои турнирот во Акапулко откако во финалето го совлада Американецот Тејлор Хари Фриц, по 75 минути игра.
Двајцата тенисери во финалето влегоа во добар ритам, а во првиот сет пресуди осмиот гем кога Надал го зеде првиот и единствениот брејк, доволен за водство.
Фриц одлучи во вториот сет да игра на сè или ништо па максимално се посвети на сервисот.
Иако имаше дури осум асови, доста ризици му донесоа и двата изгубени сервиси па Надал полесно од очекуваното го освои и вториот сет, односно титулата во Мексико.
За Надал ова е трета титула во Акапулко, но прва откако турнирот од 2013 година се игра на тврда подлога.
За Шпанецот ова е 85 титула во кариерата со која ја продолжува борбата со Новак Ѓоковиќ за првото место на АТП листата.