Американската северна команда одлучи да испрати тимови професионалци во бункери длабоко под површината на земјата, поради пандемијата со коронавирусот.
Комплексот бункери се наоѓа во планината Чејен, а затворен е со врати кои можат да издржат нуклеарна експлозија од 30 мегатони.
„Нашите посветени професионалци од NORAD и NORTHCOM се поздравија со нивните семејства и ги напуштија домовите, сега се изолирани од сите за да се осигураме дека можеме секојдневно да ја следиме ситуацијата со цел одбрана на нашата татковина“, рече генералот Теренс О’Шогнеси.
Тој додаде дека во бункерите има и припадници на војската, но не откри повеќе детали.
Ваквите комплекси во САД се клучен дел од американскиот план за преживување на катастрофи или закани.
Во САД се заразени 142.592 луѓе, починати од последици на коронавирусот се 2.489 лица, во критична состојба се 2.970.