Дарко Панчев застана на страната на фудбалерите велејќи дека не се тие криви за малите плати на медицинските лица, туку владите на државите.
Македонската фудбалска легенда синоќа преку Skype гостуваше во утринската емисија на „Ја Сакам Македонија“ на Сител, каде меѓу другото проговори и за актуелната тема со платите на фудбалерите и луѓето кои се во првите борбени редови во ова време на пандемија, лекарите.
„Треба луѓето да знаат дека во светот играат 10 милиони професионални фудбалери. Од нив само 10.000 зeмаат поголеми плати, другите 9.990.000 не земаат такви плати. Еве да ви кажам колку земаат во македонската лига, ќе се смеете. Треба ли да кажам дека покојниот Павароти не требал да зема повеќе од докторите? Фудбалот е нешто планетарно и не може да го ставате во овие категории. Заради популарноста се доаѓа до големи плати. Фудбалот не е крив што здравствените работници зeмаат мали плати, виновни се владите, институциите. А теба неколкукратно поголеми плати да имаат“, вели поранешната 9-ка.
„Роналдо или Меси, како најдобри светски играчи овие 10 години, да одат во некој клуб, клубот ќе продаде 5 милиони дресови и ќе ги извади парите од трансферот. Доктор не може да продаде 5 милиони бели мантили. Глупави се таквите споредби, фудбалот тука не треба да го мешаат, надвор е од сето тоа“, заврпи Дарко на оваа тема.
Панчев во своето гостување говореше и за други работи, а видео од неговото излагање може да погледнете на YouTube: