Авто новости

Pagani Imola – автомобил кој развива 827 КС и вреди 5 милиони евра

18. февруари 2020 - 12:32 | М.С.

Pagani ја претстави ултраексклузивната и ограничена верзија на хиперавтомобилот Huayra.

Imola е тестирана и развиeна на истоимената стаза кадешто помина илјадници километри, а од компанијата велат дека ова е најтешкиот тест кој го поминал еден автомобил на Pagani.

Од компанијата тврдат дека возењето на овој автомобил ќе биде лесно благодарение на гумите и кочниците.

Ќе бидат произведени само 5 примероци.

Цената на секој автомобил чини 5 милиони евра и веќе сите се продадени.

Imola го придвижува подобрената верзија на стандардниот 6,0-литарски твин турбо V12 мотор на Huayra кој развива 827 коњски сили.

Автомобилот е тежок 1.246 килограми благодарение на употребата на карбонски влакна и титаниум во конструирањето.