Кошарка
ФИБА СВЕТСКО ПРВЕНСТВО КИНА 2019

Падна и САД, француска сензација за полуфинале

11. септември 2019 - 15:13 | Ф.З.

По синоќеншата елиминација на Србија, денеска истата судбина ја доживеа и репрезентацијата на САД која потклекна пред Франција.

По израмнетата прва четвртина која гласеше 18:18 Французите  дојдоа до плус 6 на полувреме. Американците се вратија во игра добивајќи ја третата четврина со 9 поени разлика, но следуваше огромен пад во средината на последниот дел кој Франција го доби со 13 разлика за конечни 89:79.

Најдобар поединец на натпреварот беше Руди Гобер со 21 поен, 16 освоени топки, 3 блокади, 2 асистенции и една украдена топка. Еван Фурние беше најефикасен кај Француизите со 22 поена, додека воопшто на натпревар најмногу поени постигна Американецот Донован Мичел, 29.

Ова значи дека светот ќе добие нов шампион бидејќи САД беше бранител на тронот славејќи на претходните два мундијала.

Франција во полуфиналето ќе игра против Аргентина која синоќа ја исфрли Србија, а Шпанија ќе го дознае својот противник денес откако ќе се одигра последниот четвртфинален натпревар помеѓу Австралија и Чешка.