НУМ „Струшки вечери на поезијата“ (СВП) отвора повик за 18 волонтери за потребите на најновото издание на меѓународниот поетски фестивал „Струшки вечери на поезијата“ кој ќе се одржи во Струга во периодот од 21 до 26 август 2019 година.
Волонтерите ќе бидат вклучени во логистичкиот тим за поддршка на фестивалот од 20 до 27 август и ќе бидат поддршка на поетите учесници на Фестивалот.
Потребно е волонтерите да имаат полни 18 години, а заради природата на ангажманот, на кандидатите студенти од катедрите за јазик и за книжевност ќе им биде дадена предност при изборот.
Организаторот покрива сместување, храна и патни трошоци за волонтерите, a нуди можност за постојана комуникација со врвните поетски имиња од земјата и од странство. Од кандидатите очекуваме посветеност, одговорност и чесност.
Заинтересираните треба да испратат кратка биографија на адреса struga@svp.org.mk со назнака „Волонтер – Струшки вечери на поезијата“ најдоцна до 11 август 23:59 часот. Избраните кандидати ќе бидат контактирани од страна на организаторот до 15 август.
За дополнителни прашања може да се обратите на горенаведената адреса.