„Street Fighter II: World Warrior“ е една од најпопуларните видеоигри на сите времиња. Позната е по тоа што е прилично тешка, а јутуберот desk откри како компјутерот во оваа игра ги мамел играчите и тоа на повеќе начини.
Второто продолжение од култната „Street Fighter“ излезе во 1991 година за флипери, а по година дена и за Nintendo. Продадени беа повеќе од 14 милиони примероци, што е одличен податок со оглед на тоа што се работи за почетокот на 90-тите.
Големо внимание привлече објавата на desk кој открива дека играта мамела. Имено, на видеото покажува како ликовите кои ги контролира компјутерот можат накратко да станат неуништливи. Брзо се опоравувале кога станувале „смрзнати“, а за дел од секунда можеле да направат потези за кои на играчите им биле потребни цели две секунди. Компјутерот исто така побрзо ги внесувал контролите отколку што човекот би можел да ги внесе. И за крај, можел да изведува потези кои играчите не можеле да ги блокираат.
Сето ова и тоа како ги фрустрираше играчите, нормално, без тие да знаат за што всушност се работи, па сепак не влијаеше на успехот на играта. И ден денес „Street Fighter“ е и тоа како популарна игра во некои делови од светот, а играчите ги имаат истите контроли како и пред 18 години. Сето тоа е најмногу благодарение на успехот на „Street Fighter II“.
Доколку некоја од денешните игра доживее иста судбина веројатно би предизвикала бес кај целата гејмерска интернет заедница, а производителот би морал да ги правда своите постапки. Меѓутоа, порано играчите беа поинакви и можеа да се помират со фактот дека не можат да ја победат играта. Денес такво сценарио веројатно не би било возможно.