Чек дис аут

Оригинална идеја во време на пандемија: Прошетка на кучето со дрон

25. март 2020 - 16:04 | Б.С.Б.

Маж ставен под карантин во Кипар смисли интересен начин како да го изведе кучето на прошетка.

Вакис Деметриу на Instagram објави снимка на која се гледа куче на прошетка со дрон. Сопственикот за тоа време ја набљудува прошетката од балкон и управува со дронот.

На снимката може да се види како кучето воопшто не обрнува внимание на дронот, а Вакис ваквиот начин на прошетка на домашните миленици им го препорачува на сите.

Но, факт е дека овој начин најверојатно не би функционирал со поголеми кучиња бидејќи дронот не е доволно силен за да ги задржи и спречи да истрчаат некаде.

Видеото завршува со совет сите да останат дома, но да не забораваат на домашните миленици. Кипар е затворен од 15 март, кога претседателот Никос Анастасиадес прогласи вонредна состојба.