Една од најдобрите индонезиски одбојкарки, Априлија Манганан, излезе дека е всушност машко и тоа природно, без никакви интервенции.
Откритието настанало откако 28-годишната одбојкарка била на преглед во армиската болница „Гатот Суброто“ каде докторите се посомневале во нејзиниот пол. Ѝ биле направени уролошки и хормонални тестови кои го потврдиле она во кое докторите се посомневале.
Востановено било дека Априлија не е трансродова личност. Родена е како машко, но боледува од хипоспадија, што е генитален деформитет кој се појавува кај машките бебиња. Минатата недела ѝ била направена корекциска операција на половиот орган и сега Априлија е вистинско нормално машко.
Априлија се пензионираше во септември откако одлучи да ѝ се придружи на индонезиската армија. Бидејќи од раѓање е заведена како женско, така и била израсната, а сега почна процес на промена на сите документи, како и на името кое како Априлија не одговара за машко.
„Ова е моментот кој одамна го чекав, многу сум среќен. Благословен да е господарот Исус, ќе го пребродам ова“, вели Априлија, кој очигледно се сомневал во вакво нешто и делува како многу да му олеснило што конечно мистеријата е разрешена.
Нормално, ваквата разврска покрена голема дебата ширум интернет. Ако некои од девојките велат дека Априлија сега е многу секси маж, други барат најстроги казни за индонезиската одбојкарска репрезентација.
Во 2015 година на Јужноазиските игри репрезентацијата на Филипините бараше да се изврши проверка на полот токму на Априлија, но нивната жалба тогаш беше одбиена. Шест години подоцна, излезе дека биле во право.
