Соларниот телескоп Inouye на Хаваите направи неверојатно детална снимка од Сонцето, на кои деталите од нашата ѕвезда изгледа како да се набљудуваат од 30 километри далечина.
Колку е впечатливо ова достигнување говори и фактот дека Сонцето има пречник од околу 1,4 милиони километри, а е оддалечено 149 милиони километри од Земјата, пренесува BBC.
На снимката се гледаат форми во облик на клетки кои се всушност со големина на Тексас. Во нив се произведуваат маси од врел гас или плазма. Тој соларен материјал се издигнува од светлиот центар, а плазмата се лади и тоне во околните темни ленти.
Соларниот телескоп ќе работи заедно со сондата Parker на НАСА, која орбитира околу Сонцето. Резултатите од нивните мисии ќе им помогнат на научниците да научат повеќе за Сонцето и за тоа како временските услови во вселената, кои ги создава Сонцето, може да влијаат на Земјата.