Фудбалерите на Бенфика со минимална предност ќе патуваат на осминафиналниот реванш во Дормунд, откако вчера ја совладаа Борусија 1:0.
Бенфика на „Луж“ стадионот, во најголемиот дел од натпреварот беше во подредена положба, но успеа да стигне до победата со голот на Костас Митроглу во 48 минута.
Трагичар на натпреварот е напаѓачот на Борусија, Пјер-Емерик Обамејанг, кој најпрвин во 10 минута не реализира „мртва“ шанса, беше сам пред Едерсон но шутираше над голот, а во 55 минута не реализира пенал.
Две чисти шанси не успеа да реализира ниту 19-годишниот Дембеле, во 22 и 50 минута Едерсон ги одбрани неговите удари.
Единствениот гол Митроглу го постигна по корнерот на Салвио, Луисао ја спушти топката пред голот на Бурки, а Митроглу само ја спроведе во голот.
Реваншот во Дортмунд ќе се одигра на 8 март.
