Стил

Новиот авион на Airbus изгледа како да е од научно-фантастичен филм

14. февруари 2020 - 18:49 | Б.С.Б.

Компанијата Airbus претстави нов модел на авион кој изглед како да е излезен од научно-фантастичен филм. Станува збор за моделот Maveric, претставен на Саемот за авијација во Сингапур.

Со новиот дизајн Airbus настојува да се оддалечи од долгогодишната традиција трупот на авионот да биде во облик на цевка. Моделот е во почетна фаза на развој и е според концепт кој главно се користи кај воените авиони.

Проектот е започнат во 2017 година, а со тестирање со далечинско управување започна во 2019 година. Иако изгледа како да е од научно-фантастичен филм, авионите со дизајн како Maveric може да станат реалност.

Со оглед на тоа што авионот ќе биде многу поширок внатрешноста на леталото ќе биде поинаку организирана, односно ќе има повеќе простор.