Новинарката која беше времено суспендирана од работното место во весникот Washinton Post поради „лошо темпирана“ објава на Twitter поврзана со кошаркарот Коби Брајант, е вратена на работа, соопштија денеска од весникот.
Отаму соопштуваат дека менаџментот на весникот извршил внатрешна ревизија и заклучил дека твитот на новинарката во редакцијата за политика, Фелиша Сонмез, иако биле „лошо темпирани“, сепак „не ја нарушија точно и директно нашата политиката за социјалните мрежи“.
Инцидентот се случи во неделата откако се дозна за трагичната хеликоптерска несреќа во која загинаа поранешниот НБА кошаркар Коби Брајант, неговата ќерка и уште седум лица.
Новинарката на својот профил на Twitter објави линк до прилог на порталот Daily Beast од 2016 година. Во прилогот се говори за кривично дело кое против Брајант било покренато во 2003 година. Тогаш, 19-годишна работничка во хотел во Колорадо го обвини спортистот за силување, но одби да оди на распит во суд. Самиот Брајант ја призна својата вина со објаснување дека погрешно разбрал дека сексуалниот однос меѓу нив бил обострано прифатен. Кошаркарот потоа јавно се извини за свиоте постапки.
Случајот беше затворен со вонсудски договор кој остана недостапен за јавноста. Некои медиуми шпекулираат дека според договорот, девојката добила 2,5 милиони долари оштета.
Веднаш по објавениот твит, Сонмез добила повеќе закани кои таа ги репостирала во социјалните мрежи, и поради тоа од весникот добила привремен отказ од работа.
Но, нејзини колеги од редакцијата и членови на синдикатот на Washington Post настапија во одбрана на нивната колешка, барајќи од весникот не само да ја врати на работа веднаш, туку и да ја заштити од постојаните закани.
