Руски ловец SU-27 опасно се приближил до американскиот извиднички авион RC-135 над Балтичкото море и предизвика втор инцидент за само еден месец.
Пилотот на рускиот авион се приближил на само осум метри до американското летало, а за да бидат работите поинтересни, рускиот ловец направил таканаречен barrel roll над американскиот авион, пишува CNN.
"Su-27 го пресретна американскиот авион кој беше на рутинска задача. Пријде од страна со голема брзина и изведе маневар со кој ја загрози безбедноста на американскиот екипаж“ - соопшти американското Министерство за одбрана.
Русија одговори дека ловецот е пратен да пресретне летало кое не праќало сигнали од транспондерот бидејќи тоа оневозможило идентификација.
Исто така, во руското соопштение пишува дека неидентификуваниот авион се движел кон руската граница, па руската армија реагирала во склад со меѓународните правила за користење на воздушниот простор.