Камерунскиот ММА борец Франсис Нгану, познат како Предаторот, го нокаутираше легендарниот Каин Веласкез по борба од само 26 секунди.
Предаторот славеше победа против Веласкез во Феникс. Пресудна улога во поразот имаше и повреденото колено на Каин. Веласкез агресивно тргна во мечот против Предаторот, се обиде да го сруши, но само еден удар од десно кроше беше доволен да го собори на земја. Каин незгодно падна на двете колена и левото попушти, тоа го откри болката што се појави на неговото лице.
Нгану беше на него, со удари кои можеби ќе го довршеа ако мечот не беше прекинат. Крајот на мечот официјално се води како нокаут, иако е очигледно дека проблем беше коленото.
Веласкез се враќа во октагонот по две и пол години пауза, а изгледа дека долго нема да се појави во борба по новите здобиени повреди од средбата со Предаторот.